Eraikuntza
Produktuak
Soluzio Integralak eta Birgaikuntza
Informazioa
- Materialaren nolakotasunak
- Desberdin egiten gaituzten abantailak
- Koloreak
- Jartzeko jarraibideak
- Kalitatea
Tasunak
Konpresioarekiko erresistentzia
Aurrefabrikatutako sistemei aplikatutako Hormigoi Polimeroak, hautsi edo pitzatu aurretik, 30,2 MPa jasan dezake; hormigoi tradizionalak, berriz, 7-9 MPa baino ez.
Fluidoen hustuketa
Material honek, ispilu antzeko gainazal erabat laua baitu, fluidoak bizkor hustea errazten du. Gainera, hutsaren hurrena den ur xurgapen indizea du; hormigoi tradizionalaren indizea, berriz, %5-10ekoa da.
Produktu kimikoekiko erresistentzia
Frogatua dago Hormigoi Polimeroa material erresistenteenetakoa dela edozein produktu kimikorekiko. Izan ere, haren osagaiek ez dute erreakzionatzen kontaktuaren aurrean, eta hala produktuaren disgregazioa nahiz deformazioa ekiditen dira.
Izoztearekiko erresistentzia
Material honi, tradizionalei ez bezala, ez diote izozte-desizozte zikloek eragiten. Hala, pitzadurak agertzea ekiditen da, propietate fisiko guztiei ukigabe eutsiz.
Urradurazko higadura
Hormigoi Polimeroak, material konposatua denez gero, gainazalak ezin hobeki gordetzea bermatzen du eta ez da igarri ere egiten erabileraren edo denboraren poderiozko higadurarik.
Arintasuna
Bere ezaugarri mekaniko bikainak direla-eta, profil leunagoa duten piezak egiteko aukera eskaintzen du; horrela, piezak arinagoak dira. Aurrezten duen arintasuna da, obran garraio baliabide osagarrien erabilera murrizten baitu.
Estetika eta kolore aukerak
Molde bidezko fabrikazioa dela-eta, askatasun handia eskaintzen du diseinurako. Piezak proiektu bakoitzaren beharretara eta arkitektoaren irizpideetara egokitzea ahalbidetzen du.
Piezen arintasunak estetika aldetik kontzeptu arkitektoniko berria eskaintzen du eraikinetako fatxadetarako.
