Berritasunak
Pieza bereziak goi mailako etxebizitzarako
ULMAk “soluzio pertsonalizatua” aurkezten du Natural Investment eraikuntza enpresak egindako goi mailako familia bakarreko etxebizitzarentzako; etxebizitza Gironan dago, kostaldeko Sant Antoni de Calonge herrian. Beste pieza batzuen artean, leihoetako azpadura bereziak, erlaitzak, aurrealdeko erlaitzak eta forjatu fronteak diseinatu eta fabrikatu ziren.
Etxebizitzaren kokapena ikusita -itsasoaren parez pare muino batean-, proiektuaren egile DNA Arquitectos-ek batetik material iragazgaitza bilatu zuen kresalak piezak kaltetuko zituelakoan, eta bestetik tenperatura aldaketen aurrean erresistentea izango zen materiala ere bai, eguraldi aldaketen aurrean piezak babestu eta horrela euren iraupena bermatzeko. “Erronka zen soluzio desberdina eta berezia ematea, era berean materialaren iraunkortasuna bermatuko lukeena”.
Bestalde, etxebizitzari ukitu desberdindua eta findua eman nahi zitzaion. Horretarako, beharrezkoa zen etxeko berezitasun guztiak konpontzen eta nahi ziren forma desberdinak lortzen lagunduko lukeen materiala izatea. Beharrezko baldintza guztiak bete ahal izateak, materiala jartzen laguntzen zuen soluzioa aurkezteaz gain, berekin ekarri zuen promotoreak eta arkitektoek hormigoi polimeroaren aldeko hautua egitea.
