Tasunak
Konpresioarekiko erresistentzia
Aurrefabrikatutako sistemei aplikatutako Hormigoi Polimeroak, hautsi edo pitzatu aurretik, 30,2 MPa jasan dezake; hormigoi tradizionalak, berriz, 7-9 MPa baino ez.
Fluidoen hustuketa
Material honek, ispilu antzeko gainazal erabat laua baitu, fluidoak bizkor hustea errazten du. Gainera, hutsaren hurrena den ur xurgapen indizea du; hormigoi tradizionalaren indizea, berriz, %5-10ekoa da.
Produktu kimikoekiko erresistentzia
Frogatua dago Hormigoi Polimeroa material erresistenteenetakoa dela edozein produktu kimikorekiko. Izan ere, haren osagaiek ez dute erreakzionatzen kontaktuaren aurrean, eta hala produktuaren disgregazioa nahiz deformazioa ekiditen dira.
Izoztearekiko erresistentzia
Material honi, tradizionalei ez bezala, ez diote izozte-desizozte zikloek eragiten. Hala, pitzadurak agertzea ekiditen da, propietate fisiko guztiei ukigabe eutsiz.
Urradurazko higadura
Hormigoi Polimeroak, material konposatua denez gero, gainazalak ezin hobeki gordetzea bermatzen du eta ez da igarri ere egiten erabileraren edo denboraren poderiozko higadurarik.
Talkarekiko erresistentzia
Material honen propietateek, aurrefabrikatuaren diseinu optimoarekin batera, talkaren indarrari eutsi eta indar hori xurgatzea lortzen dute, inpaktuen kontrako erresistentzia handia bermatuz.
